Vurderingar omkring utslepp frå planlagt reinseanlegg ved Notanes i Øystese

Summary

Kvam herad i Hordaland skal bygge nytt kommunalt avløpsreinseanlegg på Notaneset ved munningen av Vikeelva i Øystese. Resipient for avlaupsvatnet er Øystesebukta, der Øysteseelva og Vikeelva renn ut. Foreliggande rapport gjev greie for miljøtilhøve, målingar, vurderingar og simuleringar for ulike utsleppsløysingar. Utgangspunktet for plassering av utsleppet er i området aust-nordaust for Lundaneset. Straumen der går for det meste mot sør, bort frå elvemunningane. Sjiktinga i sjøen er slik at utsleppsvatn frå 30 m djup og djupare ikkje stig så høgt opp at det kan interferere med vatn i elvemunningane. Rapporten tilrår å legge utsleppet på minimum 35 m djup i området utanfor Lundaneset.